CONTACTO

ILUSTRE COLEGIO NOTARIAL 
DEL PAÍS VASCO

Calle Henao, 8 · 48009 Bilbao

Teléfonos:
944 240 560
944 240 194

Fax:
944 232 110

Correo eléctronico:
colegio@paisvasco.notariado.org

Horario: De 9 a 14 horas de lunes a viernes

Ir a página de contacto

Elkargoaren historia

Sorrera

Bizkaiak, hiru urteko epealdi laburrean, bere Notarioen Elkargoa izan zuen, 1902. urteko otsailaren 26ko Errege Dekretuaren ondorioz; elkargo hori Burgosko Elkargoaren notario-barrutiaren mende zegoen. Hori gorabehera, 1980. urtean sortu zen Bilboko Notarioen Elkargoa eta bere sorrera 1481/1980 Errege Dekretuaren bidez 1980.ko irailaren 15ean argitaratu zen Estatuko Aldizkari Ofizialean. 1981.eko urtarrilaren 1ean jarduten hasi zen eta Arabako eta Bizkaiko Lurralde Historikoak barne hartu zituen, une horretaraino Burgosko Notarioen Elkargoaren mende zeudenak.

Azkenik, urtarrilaren 19ko 45/2007 Errege Dekretuaren arabera, Euskal Herriko Notario Elkargoa sortu zen, 2009ko urtarrilaren 1ean indarrean sartu zena. Elkargo hau Euskadiko Autonomi Erkidegora egokitu da eta Arabako, Bizkaiko eta Gipuzkoako Lurralde Historikoak hartzen ditu.

Beste alde batetik, abenduaren 29ko 55/1999 Legeak kidego bakarrean batu zituen notarioak eta antzinako merkataritzako artekariak, eta 2000ko urriaren 1ean elkargo honetan kolegiatuta geratu ziren Arabako eta Bizkaiko Lurralde Historikoetan zihardutenak.
 

Gobernu Organoak

Elkargoa Batzar Nagusiak eta Zuzendaritza Batzordeak gobernatzen dute. Batzar Nagusia Araban, Bizkaian eta Gipuzkoan jardunean dauden notarioek osatzen dute eta Zuzendaritza Batzordea elkargokideek hautatzen dute zuzeneko sufragioaren bidez.
 
Zuzendaritza Batzordea hurrengoek osatzen dute: Dekano-presidentea, 2 Dekanorde, 2 Zentsore, Diruzaina eta Idazkaria. Notario-barrutietan Zuzendaritza Batzordeak berak izendatutako Ordezkari baten eta zenbait Ordezkariordeen laguntza du.
 

Eginkizunak

Besteak beste, hurrengo eginkizunak azpimarratu behar dira:
 
-Notario-lanbidearen ordezkaria eta babeslea izatea.
 
-Elkargokideen jarduera profesionala bideratzea, etika eta duintasun profesionala, modu zuzenean jardutea eta partikularren eskubideak behar beste errespetatzea zainduz.
 
-Intrusismo profesionala ekiditeko neurriak hartzea.
 
-Lege orokorrak eta bereziak betetzea eta elkargokideei betearaztea.
 
Halaber, herritarrek Foru Aldundiekin eta Udalekin dituzten zerga-betebeharrak bete ditzaten erraztea.
Azpimarratzekoa da Bizkaiko notariotzak eskrituren zergen likidazio telematikoa egiten lehenengoak izan zirela.
 

Notariotzak

Euskal Herriko Notario Elkargoaren lurraldean 146 notariotza daude, 21 Arabako Lurralde Historikoan, 76 Bizkaiko Lurralde Historikoan eta 49 Gipuzkoako Lurralde Historikoan, honela banatuta:

Araba

Vitoria 16; Laudio 2; Laguardia 1; Agurain 1; Amurrio 1.

Bizkaia

Bilbo 33; Basauri 3; Erandio 1; Galdakao 2; Getxo 5; Leioa 1; Urduña 1; Barakaldo 5; Sestao 2; Portugalete 3; Santurtzi 2; Durango 3; Amorebieta 1; Elorrio 1; Ermua 1; Areatza 1; Gernika 2; Bermeo 1; Lekeitio 1; Markina 1; Mungia 2; Ondarroa 1; Balmaseda 2; Karrantza 1.

Gipuzkoa

Donostia 15; Andoain 1; Arrasate-Mondragón 3; Azkoitia 1; Azpeitia 1; Beasain 1; Eibar 3; Elgoibar 1; Hernani 1; Hondarribia 1; Irun 4; Lasarte-Oria 1; Oñati 1; Ordizia 1; Pasaia 1; Errenteria 3; Segura 1; Tolosa 3; Bergara 2; Zarautz 2; Zumarraga 2; Zumaia 1.

Elkargoaren egoitza

Euskal Herriko Notario Elkargoa kutsu eklektiko handiko mehelinen artean dagoen eraikin batean dago, harlanduzko obra antza duen iztukuz apaindua, eta Bilboko erdigunean, Henao kaleko 8. zenbakian kokatuta dago. Elkargoaren egoitza izan baino lehen, eraikinean “La Gaceta del Norte” egunkariaren bulegoak eta errotatibak egon ziren.

Jendaurreko zerbitzuak

Arabako, Bizkaiko eta Gipuzkoako Lurralde Historikoen notarioek sinatutako dokumentuak legeztatzea eta dokumentu horiei argibideak ezartzea, atzerrian eragina izan behar badute.
 
Bilboko barrutiko agiritegian dauden 25 urtetik gorako dokumentuen kopiak igortzea.
 

KONTSUMITZAILEA INFORMATZEKO NOTARIO-ZERBITZUA.

Arreta zuzena da ostiraletan, 10:30etatik 13:30etara, Elkargoaren egoitzan, Henao kalea, 8 - Bilbo, Kepa Loizaga Iruretagoiena jaunaren eskutik.

DONOSTIAKO NOTARIO-ORDEZKARITZA

Hondarribia kalea, 6 - 1. solairua - 20004 - DONOSTIA
Tel.: 943 427 860 - Faxa: 943 435 336
 

GASTEIZKO ORDEZKARITZA

Alava jenerala kalea, 18-2. solairua - 01005 - GASTEIZ

Tel.: 945 144 730 - Faxa: 945 144 730 

Elige a tu notario

Tu Protocolo

Webgune honek eta hirugarrenen cookieak erabiltzen ditu bere zerbitzuak eskaintzeko erabiltzaileari. Jarraituz gero, zerbitzu hau erabiltzeko baldintzak azken erabilera behar duzu.

Onartu  |  Informazio gehiago